«Արմավիր» ՔԿՀ-ում կանխվել է դրոնի միջոցով արգելված իրերի փոխանցումը
13-02-2026 16:03:18 | Հայաստան | Մամլո հաղորդագրություն
Փետրվարի 12-ին՝ ժամը 03:00-ի սահմաններում, ՀՀ ԱՆ «Արմավիր» քրեակատարողական հիմնարկի դիտաշտարակներից մեկում ծառայություն իրականացնող պահպանության ապահովման բաժնի ծառայողը զեկուցել է, որ հիմնարկի օդային տարածքում նկատել է անօդաչու թռչող սարք (դրոն):
Քրեակատարողական հիմնարկի պահպանության և անվտանգության ապահոման բաժինների ծառայողներն անմիջապես կատարել են տեղանքի զննություն և քողարկող պատին ամրացված արգելափակուղու ցանցի մեջ հայտնաբերել անօդաչու թռչող սարք: Շարունակելով զննությունը՝ տեղամասերից մեկի արգելագոտում հայտնաբերել են նաև սև պոլիէթիլենային փաթեթ:
Փաթեթում եղել են 3 բջջային հեռախոս, 1 բաժանորդային քարտ և 2 լիցքավորման լար:
Դեպքի առթիվ ձեռնարկվել են համապատասխան միջոցառումներ:
ՀԱՅԵՐԵՆ
Русский
English
Դաս. հայերեն
French
