Հայտնաբերվել են մեքենայից գողացած գումարը, թմրամիջոց և փամփուշտներ. ոստիկանների բացահայտումը
18-02-2026 15:44:10 | Հայաստան | Մամլո հաղորդագրություն
Փետրվարի 16-ին՝ ժամը 16:40-ին, ՆԳՆ ոստիկանության Արարատի մարզի օպերատիվ կառավարման կենտրոն զանգահարած քաղաքացին հայտնել էր, որ Հովտաշատ գյուղում իր «Մերսեդես» մակնիշի մեքենայից գողացել են 1 միլիոն 180 հազար դրամ։
ՆԳՆ ոստիկանությունից տեղեկացնում են, որ համայնքային ոստիկանության Մասիսի բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ գողությունը կատարել է Հովտաշատ գյուղի 46-ամյա բնակիչը: Նա հայտնաբերվել, ձերբակալվել և տեղափոխվել է բաժին: Բացատրական աշխատանքների արդյունքում 46-ամյա տղամարդը խոստովանել է արարքը և հայտնել, որ գումարը թաքցրել է տանը։ Համայնքային ոստիկանները պարզել են նաև, որ նա տանը թմրամիջոց է պահում:
Նախաձեռնված քրեական վարույթի շրջանակում կատարված զննությամբ 46-ամյա տղամարդու բնակության հասցեում հայտնաբերվել են 1 միլիոն 120 հազար դրամ, մարիխուանա տեսակի թմրամիջոց և ինքնաձիգի փամփուշտներ:
ՀԱՅԵՐԵՆ
Русский
English
Դաս. հայերեն
French
