Հրդեհի ահազանգ Սիսիան քաղաքում․ կանխվել է հրդեհի տարածումը

31-03-2026 12:40:37 | Հայաստան | Մամլո հաղորդագրություն

Մարտի 31-ին, ժամը 08։15-ին Սյունիքի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Սիսիան քաղաքի Շիրակի փողոցում գտնվող խանութներից մեկում։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է մթերային խանութում։

Հրդեհը մեկուսացվել է ժամը 08:47-ին, մարվել՝ 09:17-ին: Այրվել են տնտեսական իրեր և սննդամթերք։

Հրդեհի հետևանքով մասամբ փլուզվել է միջնապատը և ձևախախտվել ճակատայիրն պատից մի հատված:

Հրշեջ-փրկարարներին հաջողվել է կանխել հրդեհի տարածումը։

Նոյյան տապան - Մամլո հաղորդագրություն

Կարդացել են 133 անգամ