Ինչ հարցեր են դրվելու բաց քվեարկության «Քաղաքացիական պայմանագիր» կուսակցության արտահերթ Համաժողովի նիստում
04-04-2026 13:24:14 | Հայաստան | Ի՞նչ է գրում մամուլը
Հայկական ժամանակ․ ՀՀ վարչապետ Նիկոլ Փաշինյանը սոցցանցի իր էջում «Քաղաքացիական պայմանագիր» կուսակցության 8-րդ արտահերթ Համաժողովի հարգելի պատվիրակներին տեղեկացրել է, որ ապրիլի 4-ի լիագումար նիստում բաց քվեարկության են դրվելու հետևյալ հարցերը․
1. Հաստատել և ՀՀ Ազգային ժողովի 2026 թվականի հունիսի 7-ի ընտրություններին առաջադրել Կուսակցության ընտրական ցուցակը՝ համաձայն Հավելված N 1-ի (ցուցակում թեկնածուների դասավորությունը որոշվել է փակ, գաղտնի քվեարկության արդյունքներով։ Քվեարկության արդյունքները հրապարակված են, իսկ Հավելված 1–ի, այսինքն՝ ընտրական ցուցակի նախագիծը, տեղադրված է Կուսակցության պաշտոնական կայքում, «Նորություններ» բաժնում)։
2. Որպես Կուսակցության ՀՀ Վարչապետի թեկնածու հաստատել Վարչության նախագահ Նիկոլ Փաշինյանին (թեկնածունն ընտրվել է փակ, գաղտնի քվեարկության արդյունքներով․ քվեարկության արդյունքները հրապարակված են)։
3. Հաստատել ՀՀ Ազգային ժողովի 2026թ․ ընտրություններում Կուսակցության Նախընտրական ծրագիրը՝ համաձայն Հավելված N 2-ի (նախագիծն ընդունվել է Վարչության որոշմամբ եւ տեղադրված է Կուսակցության պաշտոնական կայքում, «Նորություններ» բաժնում)։
«Լիագումար նիստի սկզբում բաց քվեարկությամբ կընտրվեն Համաժողովի նախագահող եւ քարտուղարներ։ Վարչությունը առաջարկել է համապատասխանաբար Վարչության նախագահի եւ տեղակալների թեկնածություննները։
Մինչ հանդիպում։ Սիրում եմ բոլորիդ»,- գրել է վարչապետը։
ՀԱՅԵՐԵՆ
Русский
English
Դաս. հայերեն
French
