Փեզեշքիանը հաստատել է Իրանի մասնակցությունը ԱՄՆ-ի հետ բանակցություններին. Պակիստանի վարչապետ
08-04-2026 16:45:53 | | Ի՞նչ է գրում մամուլը
tert.am Իրանի նախագահ Մասուդ Փեզեշքիանը Պակիստանի վարչապետ Շեհբազ Շարիֆի հետ հեռախոսազրույցի ընթացքում հաստատել է իր երկրի մասնակցությունը ԱՄՆ ներկայացուցիչների հետ բանակցություններին, որոնք նախատեսվում է անցկացնել շաբաթվա վերջին Իսլամաբադում։ Այս մասին հայտնել է Պակիստանի կառավարության ղեկավարի գրասենյակը։
«Նախագահ Փեզեշքիանը շնորհակալություն է հայտնել Պակիստանի վարչապետին և բարձր է գնահատել Պակիստանի ղեկավարության ջանքերը՝ Իրանի և ԱՄՆ-ի միջև ժամանակավոր հրադադարի հասնելու գործում, ինչպես նաև լավագույն մաղթանքներ է փոխանցել Պակիստանի ժողովրդին։ Նա հաստատել է, որ Իրանը կմասնակցի Իսլամաբադի բանակցություններին»,- ասված է գերատեսչության հաղորդագրության մեջ։
Գրասենյակը հստակեցրել է, որ Շարիֆի և Փեզեշքիանի ջերմ և բարեկամական զրույցը տևել է ավելի քան 45 րոպե։
ՀԱՅԵՐԵՆ
Русский
English
Դաս. հայերեն
French
