ԼՈՆԴՈՆ, 15 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Բրիտանիայի իշխանությունները համաշխարհային տնտեսական ճգնաժամի առնչությամբ մտադիր են աշխատատեղերի կրճատում կատարել, որին կենթարկվեն երկրի արդարադատության նախարարության մոտ 10 հազար աշխատակիցներ, հաղորդում է «Ռոյթերը»: Այդ միջոցառման օգնությամբ գերատեսչությունը ծրագրում է 900 մլն ֆունտ ստեռլինգ (մոտ 1,58 մլրդ դոլար) խնայողություն անել: Արդարադատության նախարարությունը առայժմ որեւէ ձեւով չի մեկնաբանել այդ տեղեկատվությունը:

---