ԲԱՂԴԱԴ, 13 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իրաքում ահաբեկչական խոշոր գործողության հետեւանքով զոհվել է առնվազն 32 մարդ: Եվս ավելի քան 40 մարդ վիրավորվել է: Այս մասին հաղորդում է «Վեստին»: Ողբերգությունը տեղի է ունեցել Բաղդադից հյուսիս գտնվող Ադ-Դուջեյլ քաղաքի շիա թաղամասերից մեկում: Մահապարտը ականապատ ավտոմեքենայով մխրճվել է ոստիկանական տեղամաս: Ոստիկանությունը պայթյունի պատասխանատու է համարում «Ալ Ղաիդա» ահաբեկչական խմբավորմանը:

---