ԵՐԵՎԱՆ, 12 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: ՀՀ Մարդու իրավունքների աշխատակազմի Քրեադատավարական եւ զինծառայողների իրավունքների վերականգնման խմբի աշխատակիցները բանավոր դիմում-բողոքների հիման վրա սեպտեմբերի 10-ին Երեւանի Հյուսիսային պողոտա կատարած այցելության ժամանակ արձանագրել են, որ Թումանյան փողոցից մինչեւ Պուշկին փողոց ընկած հատված քաղաքացիների մուտք գործելը արգելված էր ոստիկանության աշխատակիցների կողմից: Ինչպես «ՆՈՅՅԱՆ ՏԱՊԱՆ»-ին հայտնում են ՀՀ Մարդու իրավունքների պաշտպանի աշխատակազմի Տեղեկատվության եւ հասարակայնության հետ կապերի բաժնից, ղեկավարվելով «Մարդու իրավունքներների պաշտպանի մասին» ՀՀ օրենքի դրույթներով Արմեն Հարությունյանը նամակով դիմել է ՀՀ Ոստիկանության պետ Ալիկ Սարգսյանին` խնդրել պարզաբանումներ տալ նշված փաստի իրավական հիմնավորվածության վերաբերյալ:

---