Lulz Sec հակերական խումբը հայտարարել է, որ այլեւս չի գործում
26-06-2011 08:14:00 | Հայաստան | Գիտություն եւ տեխնոլոգիաներ
Lulz Sec հակերական խումբը հայտարարել է, որ դադարեցնում է իր գործունեությունը: pastebin.com կայքում տեղադրված հրաժեշտի ուղերձում խումբը բացահայտում է, որ իր կազմը բաղկացած է 6 անդամից, իսկ ծրագիրը նախատեսում էր 50 օրվա գործունեություն: Ճիշտ այդքան էլ գոյատեւեց Lulz Sec-ը, ինչպես The Lulz Boat-ը:
Այդ ընթացքում նրանց հաջողվել է իրականացնել DDoS հարձակում, կոտրել Fox ալիքի, Sony ընկերության բաժնեմասի, Հետախուզության դաշնային բյուրոյի (ՀԴԲ) բաժնեմասի, ԱՄՆ-ի Սենատի, Կենտրոնական հետախուզական վարչության (ԿՀՎ) եւ SOCA կազմակերպված հանցագործության դեմ բրիտանական գործակալության կայքերը:
Նրանք հայտնել են, որ կայքերը կոտրել են միայն այն բանի համար, որ ուղղակի կարողացել են դա անել:
Բրիտանական ոստիկանությունը հունիսի 21-ին հայտնել է Lulz Sec-ի անդամների ձերբակալման մասին: Խումբը հրաժարվել է 19-ամյա Ռայան Քլիրիից, ով մեղադրվում է SOCA-ի կայքի վրա DDoS հարձակման մեջ: Նրանք նաեւ հայտարարել էին, որ ամեն շաբաթ գողանալու եւ համացանցում տեղադրելու են իրավապահ մարմինների փաստաթղթերը: Թե ինչը ստիպեց Lulz Sec-ին հրաժարվել իր ծրագրերից, հայտնի չէ: