Մոսկվայում կայացել է ԱՊՀ երկրների Երիտասարդական միության ժողով, որտեղ կազմակերպության խորհրդի նախագահ է ընտրվել Համահայկական միջազգային երիտասարդական կենտրոնի տնօրեն Անդրանիկ Նիկողոսյանը: Այս մասին հաղորդում է Ռեգնումը միության մամլո հաղորդագրության հղումով: Երիտասարդական միության գլխավոր նպատակը ԱՊՀ երկրների երիտասարդական կազմակերպությունների միավորումն է: Նիկողոսյանը նշել է, որ «երիտասարդության շարքերում ԽՍՀՄ պատմական հիշաղության պահպանումը եւ ակտուալացումը ազնվազարմ առաքելություն է, որը մեծ ջանքեր է պահանջում»: Ռեգնումի թղթակցի հետ զրույցում Նիկողոսյանը նշել է, որ Հայաստանում իր գործունեության ժամանակ գլխավոր նպատակն է եղել ռուս-հայկական ընդհանուր պատմական հիշողության պահպանումը: Անդրանիկ Նիկողոսյանը ծնվել է 1974թ. Հայաստանում: Կրթությամբ իրավաբան է: Տարբեր տարիներին տարբեր պաշտոններ է զբաղեցրել պետական եւ ոչ պետական կառույցներում: 2008թ.-ից Համահայկական միջազգային երիտասարդական կենտրոնի ղեկավարն է:

---