ՕԴԵՍԱՅՈՒՄ ԱՐԳԵԼՎԵԼ Է ՌՈՒՍԱՍՏԱՆՅԱՆ ՀԵՌՈՒՍՏԱԱԼԻՔՆԵՐԻ
ՀԱՂՈՐԴՈՒՄՆԵՐԻ ՀԵՌԱՐՁԱԿՈՒՄԸ
17-07-2008 16:26:00 | Ուկրաինա | Միջազգային
ՕԴԵՍԱ, 17 ՀՈՒԼԻՍԻ, ՆՈՅՅԱՆ ՏԱՊԱՆ: Երեկվանից Օդեսա եւ Յուժնի
քաղաքների կաբելային օպերատորների հեռարձակման ցանցից անհետացել են
ռուսաստանյան եւ ռուսամետ հեռուստաալիքները: Այս մասին, ինչպես
հաղորդում է ԻՏԱՌ-ՏԱՍՍ-ը, հայտնել է Ուկրաինայի առաջադիմական
սոցիալիստական կուսակցության Օդեսայի մարզկոմի քարտուղար Օլգա
Կովալենկոն:
Ըստ նրա, Յուժնիում հեռարձակման ցանցից հանվել են անգամ
օդեսյան այնպիսի հեռուստաալիքներ, ինչպիսին են ATB-ն, «Ակադեմիան»,
31 ալիք, որ համարվում են ռուսաստանամետ: Մարզային եւ քաղաքային
վարչակազմերը հրաժարվում են մեկնաբանություններից: