ՄՈՍԿՎԱ, 7 ՀՈՒԼԻՍԻ, ՆՈՅՅԱՆ ՏԱՊԱՆ: Հեռավորարեւելյան զինվորական օկրուգում ռուսական բանակի շարքային զինվորը գնդակահարել է իր ծառայակիցներից երեքին եւ ծանր վիրավորել մեկին, որից հետո ինքնասպան է եղել: Ռուսաստանի պաշտպանության նախարար Անատոլի Սերդյուկովը պահանջել է անհապաղ հետաքննել միջադեպը: Ըստ Ռուսաստանի ՊՆ հասարակական կապերի եւ լրատվության վարչության ներկայացուցչի, միջադեպը տեղի է ունեցել Սերգեեւկայի համազորային զորավարժարանում:

---