ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԸ ԴԻՄԵԼ Է ԴԱՏԱԿԱՆ
ԴԵՊԱՐՏԱՄԵՆՏԻ ՂԵԿԱՎԱՐԻՆ ԵՎ ՀԱՏՈՒԿ ՔՆՆՉԱԿԱՆ ԾԱՌԱՅՈՒԹՅԱՆ ՊԵՏԻՆ
02-07-2008 19:50:00 | Հայաստան | Իրավունք
ԵՐԵՎԱՆ, 2 ՀՈՒԼԻՍԻ, ՆՈՅՅԱՆ ՏԱՊԱՆ: ՀՀ Մարդու իրավունքների
պաշտպան Արմեն Հարությունյանը օգտվելով «Մարդու իրավունքների
պաշտպանի մասին» Հայաստանի Հանրապետության օրենքի 12-րդ հոդվածով
Պաշտպանին տրված իրավասությունից, հուլիսի 1-ին պաշտոնական
գրությամբ դիմել է ՀՀ դատական դեպարտամենտի ղեկավար Արսեն
Մկրտչյանին եւ ՀՀ հատուկ քննչական ծառայության պետ Անդրանիկ
Միրզոյանին: Պաշտպանը խնդրել է 10-օրյա ժամկետում իրեն ներկայացնել
2008թ.-ի մարտի 1-2-ը Երեւան քաղաքում զանգվածային
անկարգությունների առնչությամբ հարուցված քրեական գործերով կալանքը
որպես խափանման միջոց ընտրելու, ինչպես նաեւ կալանքի տակ գտնվելու
ժամկետը երկարացնելու վերաբերյալ միջնորդությունների եւ դատական
որոշումների պատճեները: Այս մասին «ՆՈՅՅԱՆ ՏԱՊԱՆ»-ին հայտնեցին ՀՀ
Մարդու իրավունքների պաշտպանի աշխատակազմի Տեղեկատվության եւ
հասարակայնության հետ կապերի բաժնից: