ՄԵԾ ԲՐԻՏԱՆԻԱՅԻ ԻՇԽԱՆՈՒԹՅՈՒՆՆԵՐԸ ԳՐԱՎԻ ԴԻՄԱՑ ԱԶԱՏ ԵՆ ԱՐՁԱԿԵԼ
ԲԵՆ ԼԱԴԵՆԻ ՕԳՆԱԿԱՆԻՆ
18-06-2008 15:20:00 | | Միջազգային
ԼՈՆԴՈՆ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Մեծ Բրիտանիայի
իշխանությունները գրավի դիմաց ազատել են արմատական իսլամական
քարոզիչ Աբու Կատադային: Քարոզիչը համարվում է «Ալ Ղաիդա»
ահաբեկչական խմբավորման առաջնորդ Ուսամա բեն Լադենի «աջ ձեռքը»
Եվրոպայի տարածքում:
Ինչպես հաղորդում է «Ֆրանսպրեսը», ներգաղթողների գործերի
հատուկ հաշտարար հանձնաժողովի որոշմամբ արմատական իսլամական
քարոզիչը, որի իսկական անունը Օմար Մահմուդ Մոհամմեդ Օտման է,
գրավի դիմաց ազատ է արձակվել մի ամբողջ շարք սահմանափակումներով:
Ըստ ազատման նախապայմանների, Աբու Կատադան պարտավոր է օրը 22
ժամ անցկացնել տնային կալանքի տակ եւ իր մոտ ունենա հատուկ թվային
հաղորդիչ, որը ազդանշաններ կհաղորդի նրա գտնվելու վայրի մասին:
Նրան արգելված է մզկիթներ գնալ, քարոզ կարդալ կամ
դասախոսություններ, ինչպես նաեւ որեւէ այլ եղանակով ազդել մարդկանց
համոզմունքների վրա, բացառությամբ սեփական կնոջ եւ երեխաների:
ՀԱՅԵՐԵՆ
Русский
English
Դաս. հայերեն
French
