ՁԵՐԲԱԿԱԼՎԵԼ Է ՍԿԻՆՀԵԴՆԵՐԻ ԲԱՆԴԱ, ՈՐ ԿԱՍԿԱԾՎՈՒՄ Է 20 ՄԱՐԴՈՒ
ՍՊԱՆՈՒԹՅԱՆ ՄԵՋ
17-06-2008 19:51:00 | Ռուսաստան | Միջազգային
ՄՈՍԿՎԱ, 17 ՀՈՒՆԻՍԻ, ՆՈՅՅԱՆ ՏԱՊԱՆ: Պոդմոսկովիեի
ոստիկանության աշխատակիցները ձերբակալել են մի խումբ սկինհեդների,
որոնք կասկածվում են Մոսկվայի եւ Պոդմոսկովիեի տարածքում ոչ
սլավոնական արտաքինով առնվազն 20 մարդու սպանության մեջ: Այս մասին
հաղորդում է «Նովոստի» գործակալությունը:
Ինչպես հայտնել է Մոսկվայի մարզի իրավապահ մարմինների
աղբյուրը, ծագումով Միջին Ասիայից եւ Կովկասից մարդկանց
սպանությունները հետաքննելիս ձերբակալվել է 17-20 տարեկան վեց անձ:
Նրանք բոլորը Մոսկվայի եւ Պոդմոսկովիեի բնակիչներ են:
Նախաքննությունը տվյալներ ունի նաեւ, որ ձերբակալված
սկինհեդների թվում են մարզի Պուշկինսկի, Միտիշչինսկի եւ
Սերգիեւո-Պոսադսկի շրջաններում կովկասցիներին պատկանող առեւտրի
կրպակների հրկիզումների եւ պայթեցումների կազմակերպման եւ
իրականացման մասնակիցներ: