ՄՈՍԿՎԱ, 27 ՄԱՅԻՍԻ, ՆՈՅՅԱՆ ՏԱՊԱՆ: ՌԴ Դաշնության խորհրդի խոսնակ Սերգեյ Միրոնովը կարծում է, որ «քրեական պատժաժամկետի առումով հարկավոր է կոռուպցիոներներին հավասարեցնել պետական դավաճանների հետ», ինչպես նաեւ սահմանել կոռուպցիոների գույքի պարտադիր բռնագրավում: Այս մասին հաղորդում են ռուսական ԶԼՄ-ները: «Փաստորեն խոսքը, ըստ իս, վերաբերում է պետական դավաճանությանը, քանի որ կոռուպցիոները այն հանցագործն է, որը խարխլում է պետական անվտանգության բուն հիմքերը»,- ասել է Միրոնովը: Դաշնության խորհրդի խոսնակը նշել է, որ միաժամանակ հարկ է սահմանել «կոռուպցիոների եւ իր ընտանիքի անդամների գույքի պարտադիր բռնագրավում»: «Ահա դա կլինի ճիշտ եւ արդարացի: Հուսով եմ, որ այդ նորմերը մենք կտեսնենք կոռուպցիայի դեմ պայքարի մասին օրենքի վերջնական խմբագրության մեջ»,- ընդգծել է Միրոնովը:

---