ԼԻԲԱՆԱՆԻ ԿԱՌԱՎԱՐՈՒԹՅՈՒՆԸ ՉԵՂՅԱԼ Է ՀԱՅՏԱՐԱՐԵԼ «ՀԶԲՈԼԼԱՀ»
ՇԱՐԺՄԱՆ ԴԵՄ ՈՒՂՂՎԱԾ ՄԻՋՈՑՆԵՐԸ
15-05-2008 19:26:00 | Լիբանան | Միջազգային
ԲԵՅՐՈՒԹ, 15 ՄԱՅԻՍԻ, ՆՈՅՅԱՆ ՏԱՊԱՆ: Լիբանանի կառավարությունը
պաշտոնապես չեղյալ է հայտարարել «Հզբոլլահ»-ի դեմ ձեռնարկված
միջոցները, որոնք կատաղի զինված բախումների պատճառ էին դարձել
կառավարող կոալիցիայի կողմնակիցների եւ այդ շիա մահմեդական
կազմակերպության գրոհայինների միջեւ: Այս որոշման մասին, ինչպես
հաղորդում է ԻՏԱՌ-ՏԱՍՍ-ը, հայտարարել է Լիբանանի վարչապետ Ֆուադ
աս-Սինիորան:
Ըստ նրա, կառավարությունը որոշել է զիջումների գնալ
ընդդիմությանը, որպեսզի պահպանի քաղաքացիական խաղաղությունը: Դրա
վերաբերյալ պայմանավորվածություն է ձեռք բերվել չորեքշաբթի
Բեյրութում սիրիամետ ընդդիմության եւ արեւմտամետ կառավարող
կոալիցիայի ներկայացուցիչների միջեւ: