ՊԱՏԵՐԱԶՄԻ ՀԻՆԳ ՏԱՐԻՆԵՐԻՆ ԻՐԱՔՈՒՄ ՍՊԱՆՎԵԼ Է ՄՈՏ ՄԵԿ ՄԻԼԻՈՆ
ԻՐԱՔՑԻ
10-04-2008 14:27:00 | Կատար | Միջազգային
ԴՈՀԱ, 10 ԱՊՐԻԼԻ, ՆՈՅՅԱՆ ՏԱՊԱՆ: Մոտ մեկ միլիոն իրաքցի
սպանվել է, երեք միլիոնից ավելի` վիրավորվել, երկու միլիոնը`
գաղթել արտասահման եւ եւս 2,5 միլիոնը հարկադրված է եղել
վերաբնակվել երկրի ավելի անվտանգ շրջաններում: Այսպիսին են իրաքյան
պատերազմի հինգ տարիների արդյունքները: Այս մասին հաղորդում է
«Նովոստի» գործակալությունը վկայակոչելով «Ալ-Ջազիրա»
հեռուստաալիքի տվյալները:
«Էլեկտրականությունը մատակարարվում է օրական մեկ-երկու ժամ:
Իրաքցիների 70%-ից ավելին խմելու ջրի պակաս է զգում, իսկ երեխաների
մոտ 30%-ը սննդամթերքի անբավարարության պատճառով տառապում են
հյուծվածությունից»,- հաղորդում է «Ալ-Ջազիրան»:
Երկրում ծաղկում է կոռուպցիան: Տարեկան, հեռուստաալիքի
տվյալներով, Իրաքը չորս միլիարդից ավելի դոլար է կորցնում «երկրի
վերականգնման համար հատկացված միջոցների հետ կատարվող
մեքենայությունների պատճառով»: