ՍՈՖԻԱ, 8 ԱՊՐԻԼԻ, ՆՈՅՅԱՆ ՏԱՊԱՆ: Երեկ ստացած հրազենային վերքից Սոֆիայի հիվանդանոցում վախճանվել է ոստիկանական վեպերի սիրված հեղինակ Գեորգի Ստոեւը, հաղորդում են տեղական ԶԼՄ-ները: 34-ամյա գրողի դեմ մահափորձը կատարվել է բուլղարական մայրաքաղաքի կենտրոնում` «Պլիսկա» հյուրանոցի մոտ: Հրազենային վերքով, օրհասական վիճակում Գեորգի Ստոեւը տեղափոխվել է հիվանդանոց, սակայն տուժածի կյանքը փրկելու բժիշկների բոլոր ջանքերը ապարդյուն են անցել: Բուլղարական ԶԼՄ-ները, մեկնաբանելով Ստոեւի սպանությունը, ընդգծում են, որ նա եղել է «հանցավոր խմբավորումների ստեղծման ուղղակի վկա եւ նույնիսկ որոշ իրադարձությունների անմիջական մասնակից», ենթադրում են, որ նա լավ իմացել է պատվիրված բազմաթիվ սպանությունների կազմակերպիչներին, բուլղարական թմրաշուկայի առանձնահատկությունները:

---