ԲԱՐԱԿ ՕԲԱՄԱ. ԱՐՏԱՔԻՆ ՔԱՂԱՔԱԿԱՆՈՒԹՅԱՆ ՄԵՋ ՎԱՇԻՆԳՏՈՆԸ ՊԵՏՔ Է
ՀԱՄԱԳՈՐԾԱԿՑԻ ՌՈՒՍԱՍՏԱՆԻ ԵՎ ՉԻՆԱՍՏԱՆԻ ՀԵՏ
20-03-2008 18:15:00 | ԱՄՆ | Միջազգային
ՎԱՇԻՆԳՏՈՆ, 20 ՄԱՐՏԻ, ՆՈՅՅԱՆ ՏԱՊԱՆ: Արտաքին քաղաքականության
մեջ ԱՄՆ-ը պետք է գործընկերական հարաբերություններ զարգացնի
Ռուսաստանի եւ Չինաստանի հետ: Այս մասին հայտարարել է ԱՄՆ-ի
նախագահի պաշտոնի հավակնորդ դեմոկրատ-սենատոր Բարակ Օբաման:
«Մենք պետք է աշխատենք այնպիսի տերությունների հետ, ինչպիսին
են Ռուսաստանը եւ Չինաստանը»,- ասել է նա Հյուսիսային Կարոլինայի
նահանգում ընտրողների հետ հանդիպման ժամանակ:
Վաշինգտոնի համար առանցքաիյն ուղղությունների թվում սենատորը,
մասնավորապես, առանձնացրել է «ահաբեկչության դեմ պայքարի,
անվտանգության բնագավառում համագործակցության զարգացման համապարփակ
ռազմավարության» մշակումը, ինչպես նաեւ միջուկային զենքի չտարածման
հարցերի լուծումը, փախստականների եւ աղքատության դեմ պայքարի
խնդիրները, կլիմայական փոփոխությունները: Նա այդ խնդիրների
լուծումը շաղկապել է Իրաքից ամերիկյան զորքերի դուրս գալու հետ: