ՆՅՈՒ ՅՈՐՔ, 10 ՄԱՐՏԻ, ՆՈՅՅԱՆ ՏԱՊԱՆ: ՄԱԿ-ի գլխավոր քարտուղար Պան Գի Մունը լիբանանյան «Հզբոլլահ» շարժմանը զենքի մատակարարումների համար պատասխանատու է համարել Սիրիային եւ Իրանին, հաղորդում է «Նովոստի» գործակալությունը: «Նախկինի պես մտահոգություն են հարուցում ստացվող հաղորդումները եւ «Հզբոլլահի» հրապարակային հայտարարությունները, որ վկայում են զենքի մատակարարումների վրա սահմանված էմբարգոյի խախտումների մասին, որոնք թիվ 1701 բանաձեւի լուրջ խախտում են: Այդ կապակցությամբ հիմնական պատասխանատվությունը կրում են այդ տարածաշրջանի բոլոր պետությունները, մասնավորապես Սիրիայի Արաբական Հանրապետությունը եւ Իրանի Իսլամական Հանրապետությունը»,- ասվում է գլխավոր քարտուղարի զեկույցում:

---