ՄՈՍԿՎԱՆ ՀԱՅՏԱՐԱՐԵԼ Է ԱՆԼԵԳԱԼ ՄԻԳՐԱՆՏՆԵՐԻ ՀԱՄԱՆԵՐՈՒՄ
29-02-2008 17:36:00 | Ռուսաստան | Միջազգային
ՄՈՍԿՎԱ, 29 ՓԵՏՐՎԱՐԻ, ՆՈՅՅԱՆ ՏԱՊԱՆ: Այսօր Մոսկվայում
համաներում է հայտարարվում միգրանտների համար, ովքեր լեգալ
կարգավիճակ չեն ստացել, հաղորդում է «ԻՆտերֆաքսը»:
Արտասահմանցիների մեծ մասը չեն ուզում «դուրս գալ ստվերից»,
որովհետեւ երկյուղում են բռնվելուց, համարում է Միգրացիայի
դաշնապետական ծառայության Մոսկվայի վարչության պետ Ֆյոդոր
Կարպովեցը:
«Հաշվի առնելով այդ իրավիճակը, մենք ընդունեցինք հետեւյալ
որոշումը. վաղվանից ցանկացած արտասահմանյան քաղաքացի կարող է
համարձակ գալ մեզ մոտ ՄԴԾ եւ լեգալ կարգավիճակ ստանալ: Մենք նրան
կտրամադրենք միգրացիոն քարտ եւ կդնենք միգրացիոն հաշվառման:
Լեգալացումը կարժենա 2 հազար ռուբլի»,- պարզաբանել է Կարպովեցը:
«Եթե մեկ ամսվա ընթացքում լեգալ կարգավիճակ ստացած միգրանտը
չտեղավորվի աշխատանքի կամ ուսման, նա պարտավոր կլինի մեկնել
Մոսկվայից»,- նշել է նա:
Մեկ տարում Մոսկվայում միգրացիոն հաշվառման են կանգնել 1 մլն
740 հազար միգրանտներ: