ԲՐՅՈՒՍԵԼ, 26 ՓԵՏՐՎԱՐԻ, ՆՈՅՅԱՆ ՏԱՊԱՆ: Բելգիան ճանաչել է
Կոսովոյի անկախությունը: Այս մասին, ինչպես հաղորդում է «Նովոստի»
գործակալությունը, հայտնել է Բելգիայի ԱԳՆ ներկայացուցիչը:
Ըստ նրա, բելգիացիների թագավորը նախօրեին համապատասխան
հրամանագիր է ստորագրել, որի տեքստը անցած շաբաթ հավանության էր
արժանացել Բելգիայի դաշնապետական կառավարության կողմից:
Այդուհանդերձ, ինչպես նշել է երկրի ԱԳՆ ներկայացուցիչը,
Բելգիայի կողմից Կոսովոյի պաշտոնական ճանաչումը կայացած կարելի
կլինի համարել միայն այն բանից հետո, երբ Պրիշտինայից բելգիական
դիվանագիտական գերատեսչությունը կստանա պաշտոնական Բրյուսելի
որոշումը հաստատող նամակ: