ԴԱՏԱՐԱՆԸ ՄԵՐԺԵԼ Է «ՄԻԱՍՆԱԿԱՆ ՌՈՒՍԱՍՏԱՆ» ԿՈՒՍԱԿՑՈՒԹՅԱՆ
ՆԱԽԸՆՏՐԱԿԱՆ ՑՈՒՑԱԿԻՑ ՊՈՒՏԻՆԻ ԹԵԿՆԱԾՈՒԹՅՈՒՆԸ ՀԱՆԵԼՈՒ ՀԱՅՑԱԴԻՄՈՒՄԸ
20-11-2007 20:40:00 | Ռուսաստան | Միջազգային
ՄՈՍԿՎԱ, 20 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՌԴ Գերագույն դատարանը
մերժել է բավարարել «Աջ ուժերի դաշինք» քաղաքական կուսակցության`
«Միասնական Ռուսաստան» կուսակցության նախընտրական ցուցակից ՌԴ
նախագահ Վլադիմիր Պուտինի թեկնածությունը հանելու մասին
հայցադիմումը:
Դատարանը Վլադիմիր Պուտինի կողմից ընտրությունների մասին
օրենքի խախտումներ չի գտել:
«Միասնական Ռուսաստան» կուսակցության ներկայացուցիչ Վլադիմիր
Պլիգինը դատավարության ավարտից հետո նկատել է, որ «դատավարությունը
եղել է միանգամայն բաց, ինչի մասին վկայում է ինչպես ռուսական,
այնպես էլ արտասահմանյան ԶԼՄ-ների ներկայությունը դատարանի
դահլիճում»: