ԿՈՍՈՎՈՅԻ ԱՆԿԱԽՈՒԹՅՈՒՆԸ ՀՂԻ Է ՀԻՄՆԱԽՆԴԻՐՆԵՐՈՎ,- ՀԱՅՏԱՐԱՐՈՒՄ
Է ԲՈՐԻՍ ԳՐԻԶԼՈՎԸ
19-11-2007 20:03:00 | Գերմանիա | Միջազգային
ԲԵՌԼԻՆ, 19 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Բեռլինում «Ռուսաստան եւ
Եվրոպա. միասին զարգացման ճանապարհով» միջազգային համաժողովի
ժամանակ Բորիս Գրիզլովը նախազգուշացրել է Կոսովոյի անկախության
հռչակման առնչությամբ. «Այդ օրինակը միայն նոր խնդիրներ կստեղծի
ամենատարբեր երկրներում եւ տարածաշրջաններում»,- ասել է նա:
Ինչպես հաղորդում է ԻՏԱՌ-ՏԱՍՍ-ը, ՌԴ Պետդումայի նախագահը
հայտարարել է «Կոսովոյի հարցին վերջ դնելու հապճեպ փորձերի» եւ
Կոսովոյի վերաբերյալ ՄԱԿ-ի Անվտանգության խորհրդի բանաձեւից, որպես
խնդրի կարգավորման միակ օրինական հիմքից, հրաժարվելու
անթույլատրելիության մասին:
Բորիս Գրիզլովը իր ելույթում հայտարարել է, որ «Ռուսաստանում
տագնապով են հետեւում անվտանգության ենթակառուցվածքի ապամոնտաժման
փորձերին»: «Ինձ համար ակնհայտ է, որ Եվրոպայում լարվածության աճի
սպառնալիքը միանգամայն իրական է»,- ասել է նա: