ԱՄԵՐԻԿԱՑԻՆԵՐԻ ՄԻԱՅՆ 1%-Ն Է ՋՈՐՋ ԲՈՒՇԻՆ ՀԱՄԱՐՈՒՄ ԱՄՆ-Ի
ԼԱՎԱԳՈՒՅՆ ՆԱԽԱԳԱՀ
09-11-2007 19:36:00 | ԱՄՆ | Միջազգային
ՎԱՇԻՆԳՏՈՆ, 9 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ամերիկացիների միայն
1%-ն է Սպիտակ տան ներկայիս ղեկավար Ջորջ Բուշին համարում
լավագույն նախագահը ԱՄՆ-ի պատմության մեջ, մինչդեռ երկրի
քաղաքացիների 23%-ը տրամագծորեն հակառակ կարծիքի է:
Այդ մասին են վկայում հարցման տվյալները, որ Սի-էն-էն
հեռուստաընկերության պատվերով անցկացրել է Opinion Research
Corporation սոցիոլոգիական ծառայությունը:
Ինչպես ցույց է տվել հետազոտությունը, երկրի քաղաքացիների
33%-ը ենթադրում է, որ Բուշն ավելի վատ է աշխատում, քան ԱՄՆ-ի
մյուս բոլոր նախագահները:
Հարցվածների 40%-ի կարծիքով, նա պետության նախկին ղեկավարների
համեմատությամբ ավելի լավ է աշխատում:
Հարցումն անցկացվել է նոյեմբերի 2-4-ը 1024 ռեսպոնդենտների
շրջանում: