ՀՐԱՊԱՐԱԿՎԵԼ Է ՄԱԴՐԻԴԻ ԷԼԵԿՏՐԱԳՆԱՑՔՆԵՐՈՒՄ ՊԱՅԹՅՈՒՆՆԵՐԻ
ԿԱԶՄԱԿԵՐՊԻՉՆԵՐԻ ԴԱՏԱՎՃԻՌԸ
31-10-2007 18:05:00 | Իսպանիա | Միջազգային
ՄԱԴՐԻԴ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մադրիդում հոկտեմբերի
31-ին հրապարակվել են 2004 թվականի մարտի 11-ին Մադրիդի
էլեկտրագնացքներում պայթյուններ կազմակերպած ահաբեկիչների եւ նրանց
մեղսակիցների դատավճիռները: Այդ ժամանակ զոհվել էր 191 եւ
մարմնական տարբեր աստիճանի վնասվածքներ ստացել Իսպանիայի
մայրաքաղաքի 1841 բնակիչներ:
Առավել երկարատեւ բանտարկության` 30 տարվա, դատապարտվել են
ահաբեկության անմիջական կատարող մարոկկացի Ջամալ Զուգամը եւ
ահաբեկիչների գլխավոր հանցակից, որը պայթուցիկ է մատակարարել
նրանց, իսպանացի Էմիլիո Սուարես Տրասորրասը:
28 մեղադրյալներից 7-ը արդարացվել է, իսկ 28 մյուսները
դատապարտվել են 3-12 տարվա բանտարկության ահաբեկչական
գործողությանը օժանդակելու համար, հաղորդում է «Նովոստի»
գործակալությունը: