ՄԱԿ-Ի ԳԼԽԱՎՈՐ ՎԵՀԱԺՈՂՈՎԸ 16-ՐԴ ԱՆԳԱՄ ԱՄՆ-ԻՆ ԿՈՉ Է ԱՐԵԼ
ԴԱԴԱՐԵՑՆԵԼ ԿՈՒԲԱՅԻ ՇՐՋԱՓԱԿՈՒՄԸ
31-10-2007 14:23:00 | ԱՄՆ | Միջազգային
ՆՅՈՒ ՅՈՐՔ, 31 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՄԱԿ-ի Գլխավոր
վեհաժողովը հերթական անգամ ԱՄՆ-ին կոչ է արել դադարեցնել Կուբայի
տնտեսական, առեւտրական եւ ֆինանսական շրջափակումը: Այս բանաձեւի
օգտին քվեարկել են կազմակերպության 192 անդամներից 184-ը: Դեմ են
եղել ԱՄՆ-ն, Իսրայելը, Մարշալյան կղզիները եւ Պալաուն:
ԱՄՆ-ին ուղղված այդ կոչը ՄԱԿ-ում հնչել է արդեն 16-րդ անգամ:
Նույն բովանդակությամբ բանաձեւ քվեարկության է դրվում ամեն տարի
1992 թվականից սկսած, երբ նրան հավանություն էին տվել ընդամենը 52
պետություն:
Գլխավոր վեհաժողովի ընդունած բանաձեւերը, ի տարբերություն
Անվտանգության խորհրդի բանաձեւերի, պարտադիր ուժ չունեն:
Գլխավոր վեհաժողովի լիագումար նիստում Կուբայի արտաքին
գործերի նախարար Պերես Ռոկեն հայտարարել է, որ գրեթե կես դարի
ընթացքում ամերիկյան շրջափակումը Կուբային պատճառել է ավելի քան 89
միլիարդ դոլարի տնտեսական վնաս:
Կուբայի շրջափակումն ԱՄՆ-ն ձեռնարկել է 1962 թվականից` որպես
պատժամիջոց մարդու իրավունքների զանգվածային խախտման համար: