ՉԱԴԻ ԴԱՏԱՐԱՆԸ ՄԵՂԱԴՐՈՒՄ Է ՖՐԱՆՍԻԱՅԻ ԵՎ ԻՍՊԱՆԻԱՅԻ
ՔԱՂԱՔԱՑԻՆԵՐԻՆ 103 ԱՖՐԻԿԱՑԻ ԵՐԵԽԱՆԵՐԻ ԱՌԵՎԱՆԳՄԱՆ ՄԵՋ
30-10-2007 16:27:00 | Չադ | Միջազգային
ՆՋԱՄԵՆԱ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Չադի դատարանը
Ֆրանսիայի եւ Իսպանիայի 16 քաղաքցիների ներկայացրել է 103 աֆրիկացի
երեխաների առեւանգման եւ այդ հանցագործությանը մեղսակցության
մեղադրանք:
Դատախազի ներկայացուցիչը հոկտեմբերի 29-ի երեկոյան հայտարարել
է, որ ինը ֆրանսիացիները, որ «Զոյայի տապան» բարեգործական
կազմակերպության ներկայացուցիչներ են, մեղադրվում են «երեխաների
առեւանգման» եւ «հարստանալու նպատակով խարդախության» մեջ: Յոթ
իսպանացիները` ինքնաթիռի անձնակազմի անդամները, որով նախատեսվում
էր երեխաներին Չադից տեղափոխել Ֆրանսիա, մեղադրվում են
մեղսակցության մեջ: Նրանք բոլորը ձերբակալվել են անցած շաբաթ Աբեշե
քաղաքում եւ պահվում են կալանքի տակ:
«Զոյայի տապանի» ներկայացուցիչները պնդում են, որ մտադիր էին
«օդային կամուրջ կազմակերպել» 103 որբ երեխաների Սուդանի նահանգից
Ֆրանսիա տեղափոխելու համար, որտեղ նրանք պետք է դաստիարակվեին
ֆրանսիական ընտանիքներում: Սակայն ՅՈՒՆԻՍԵՖ-ի ներկայացուցիչները
երեխաներին զննելուց հետո հայտարարել են, որ մեկից տասը տարեկան
երեխաների մեծ մասը Չադից են եւ ունեն ծնողներ: