ՀԱՅԱՍՏԱՆԻ 5 ԲՌՆՑՔԱՄԱՐՏԻԿՆԵՐ ԱՆՑԵԼ ԵՆ ԱՇԽԱՐՀԻ ԱՌԱՋՆՈՒԹՅԱՆ
1/8-ՐԴ ԵԶՐԱՓԱԿԻՉ
29-10-2007 15:44:00 | ԱՄՆ | Սպորտ
ՉԻԿԱԳՈ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Չիկագոյում
շարունակվում է բռնցքամարտի աշխարհի վարկանիշային առաջնությունը:
Հոկտեմբերի 28-ին Հայաստանի հավաքականից ռինգ ելան Հովհաննես
Դանիելյանը (48 կգ), Հրաչյա Ջավախյանը (60 կգ) եւ Ցոլակ Անանիկյանը
(81 կգ): Նրանք երեքն էլ հաղթեցին եւ անցան 1/8-րդ եզրափակիչ: Այդ
փուլում են հանդեաս կգան նաեւ Ազատ Հովհաննիսյանը (54 կգ) եւ
Էդվարդ Համբարձումյանը (64 կգ): Եթե նրանք կարողանան հաղթանակներ
տանել նաեւ 1/8-րդ եզրափակիչում, ապա կարժանանան օլիմպիական
ուղեգրերի:
Դերենիկ Գիժլարյանը (51 կգ), Վաչագան Ավագյանը (54 կգ) եւ
Անդրանիկ Հակոբյանը (75 կգ) պարտվել են եւ դուրս են մնացել
պայքարից:
Հոկտեմբերի 29-ին առաջնությունում հանգստյան օր է
հայտարարված: