ՀԱՅԱՍՏԱՆԻ ԿԱՆԱՆՑ ԵՎ ՏՂԱՄԱՐԴԿԱՆՑ ՀԱՎԱՔԱԿԱՆՆԵՐԸ ԿՄԱՍՆԱԿՑԵՆ
ՇԱԽՄԱՏԻ ԵՎՐՈՊԱՅԻ ԹԻՄԱՅԻՆ ԱՌԱՋՆՈՒԹՅԱՆԸ
26-10-2007 15:25:00 | Հայաստան | Սպորտ
ԵՐԵՎԱՆ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հունաստանի Հերակլիոն
քաղաքում հոկտեմբերի 27-ին կմեկնարկեն շախմատի Եվրոպայի
տղամարդկանց 16-րդ եւ կանանց 7-րդ թիմային առաջնությունները:
Հայաստանի տղամարդկանց հավաքականը մրցավայր է մեկնել օլիմպիական
կազմով, բացառությամբ Արտաշես Մինասյանի: Թիմում ընդգրկված են
Լեւոն Արոնյանը, Վլադիմիր Հակոբյանը, Գաբրիել Սարգսյանը, Սմբատ
Լպուտյանը եւ Կարեն Ասրյանը: Հայաստանի կանանց հավաքականում են
Էլինա Դանիելյանը, Լիլիթ Մկրտչյանը, Նելլի Աղինյանը, Սիրանուշ
Անդրիասյանը եւ Լիանա Աղաբեկյանը:
Տղամարդկանց մրցաշարին կմասնակցեն 40, իսկ կանանց` 29
երկրների հավաքականներ: Շվեյցարական մրցակարգով թիմերից
յուրաքանչյուրը կանցկացնի 9-ական մրցախաղ: Յուրաքանչյուր մրցամարտի
կմասնակցեն 4-ական շախմատիստներ: Հաղթանակի համար կտրվի` 2, իսկ
ոչ-ոքիի` 1 միավոր: