ԱՄԵՐԻԿԱՑԻ ԶԻՆԾԱՌԱՅՈՂՆԵՐԸ ԻՐԱՔՈՒՄ ՍՊԱՆԵԼ ԵՆ 16 ԽԱՂԱՂ
ԲՆԱԿԻՉՆԵՐԻ
23-10-2007 15:48:00 | Իրաք | Միջազգային
ԲԱՂԴԱԴ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ամերիկացի
զինծառայողները հոկտեմբերի 23-ին Իրաքում սպանել են 16 խաղաղ
բնակիչների: Ինչպես հայտնել է իրաքյան Տիկրիթ քաղաքի ոստիկանության
ներկայացուցիչ Ջաշիմ Մուհամմեդը, միջադեպը տեղի է ունեցել
Սալահեդդինի նահանգում:
ԱՄՆ-ի զինված ուժերի ուղղաթիռները գնդակոծել են դաշտում
աշխատող իրաքցի գյուղացիներին եւ վիրավորել երկուսին: Այն բանից
հետո, երբ վիրավորները փոխադրվել են մոտակա տունը, եւ այնտեղ
հավաքվել են տասնյակ խաղաղ բնակիչներ, որպեսզի օգնեն տուժածներին,
ամերիկացիները կրակ են բացել շինության վրա: Զոհվել է յոթ տղամարդ,
վեց կին եւ երեք երեխա: Իսկ 14 մարդ ստացել է տարբեր աստիճանի
մարմնական վնասվածքներ:
Ամերիկյան բանակի ներկայացուցիչները հրաժարվել են միջադեպը
մեկնաբանել: