ՖՈՒՏԲՈԼԻ ՀԱՅԱՍՏԱՆԻ ԱԶԳԱՅԻՆ ՀԱՎԱՔԱԿԱՆԸ ԵՐԵՎԱՆՈՒՄ ՈՉ ՈՔԻ`
0:0, ԽԱՂԱՑ ՍԵՐԲԻԱՅԻ ԸՆՏՐԱՆՈՒ ՀԵՏ
15-10-2007 18:35:00 | Հայաստան | Սպորտ
ԵՐԵՎԱՆ, 15 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Եվրո-2008»-ի
որակավորման փուլի խմբային մրցաշարի ծրագրով Հայաստանի ֆուտբոլի
ազգային հավաքականը Երեւանում հոկտեմբերի 13-ին ընդունեց Սերբիայի
ընտրանուն: Հանդիպումն ավարտվեց ոչ-ոքի` 0:0, հաշվով:
Փուլի մյուս հանդիպումներում գրանցվեցին հետեւյալ
արդյունքները. Ադրբեջան-Պորտուգալիա` 0:2, Բելգիա-Ֆինլանդիա` 0:0,
Լեհաստան-Ղազախստան` 3:1:
Առաջին խմբի մրցաշարային աղյուսակում թիմերը դասավորվել են
հետեւյալ հաջորդականությամբ. Լեհաստան` 24 միավոր, Պորտուգալիա եւ
Ֆինլանդիա` 20-ական, Սերբիա` 17, Բելգիա` 12, Հայաստան` 9,
Ղազախստան` 7, Ադրբեջան` 5 միավոր:
Հոկտեմբերի 16-ին Հայաստանի հավաքականը Բրյուսելում կմրցի
Բելգիայի թիմի հետ: Այդ օրը տեղի կունենան նաեւ
Ղազախստան-Պորտուգալիա եւ Ադրբեջան-Սերբիա հանդիպումները: