ՏԵԽԱՍՈՒՄ ՎԵՐՋԻՆ 25 ՏԱՐԻՆԵՐԻ ԸՆԹԱՑՔՈՒՄ ԻՐԱԿԱՆԱՑՎԵԼ Է 400-ՐԴ
ՄԱՀԱՊԱՏԻԺԸ
23-08-2007 18:43:00 | ԱՄՆ | Միջազգային
ՎԱՇԻՆԳՏՈՆ, 23 ՕԳՈՍՏՈՍԻ, ՆՈՅՅԱՆ ՏԱՊԱՆ: Տեխասում ի կատար է
ածվել 32-ամյա Ջոնի Ռեյ Կոների մահվան դատավճիռը: Նրան մոտ 10 տարի
առաջ դատարանը մեղավոր էր ճանաչել Վիետնամից ներգաղթած Կատիան
Նգուենի սպանության մեջ: Այս մասին հաղորդում են ամերիկյան
լրատվամիջոցները:
Ըստ մեղադրական եզրակացության, 1998թ. մայիսի 17-ին Կոները
ներխուժել էր Նգուենին պատկանող խանութը, հրազենով կրակել էր նրա
գլխին եւ թալանելով խանութի դրամարկղը, վիրավորել էր հաճախորդներից
մեկին:
Կոների մահվան դատավճռի իրականացման նախօրեին Եվրախորհուրդը
կոչ էր արել Տեխասի նահանգապետին փոխել դատավճիռը եւ նահանգում
ընդհանրապես արգելել մահապատիժը, ինչը նահանգապետը չէր ընդունել:
Մահապատիժն ի կատար է ածվել ներարկման միջոցով: Ջոնի Ռեյ
Կոները դարձավ Տեխասում այս տարի մահապատժի ենթարկված 21-րդ, իսկ
վերջին 25 տարիների ընթացքում` 400-րդ հանցագործը: