ԹԱԼԻԲՆԵՐՆ ԱՌԱՋԱՐԿԵԼ ԵՆ ՀԱՐԱՎԿՈՐԵԱՑԻ ԿԻՆ ՊԱՏԱՆԴՆԵՐԻՆ ՓՈԽԱՆԱԿԵԼ
ԱՅՆ ԿԱՆԱՆՑ ՀԵՏ, ՈՐՈՆՑ ՔԱԲՈՒԼԸ ԴԱՏԱՊԱՐՏԵԼ Է ԹԱԼԻԲՆԵՐԻՆ ՕԳՆԵԼՈՒ
ՀԱՄԱՐ
07-08-2007 18:16:00 | Աֆղանստան | Միջազգային
ՔԱԲՈՒԼ, 7 ՕԳՈՍՏՈՍԻ, ՆՈՅՅԱՆ ՏԱՊԱՆ: «Թալիբան» շարժման
ներկայացուցիչ Յուսուֆ Ահմադին հարավկորեական «Ռենհապ»
գործակալությանը հայտարարել է, որ թալիբները պատրաստ են բաց թողնել
հարավկորեացի կին պատանդներին նույն թվով շարժմանն համակիր կանանց
Աֆղանստանի բանտերից ազատ արձակելու դիմաց, հաղորդում է «Նովոստի»
գործակալությունը: Թալիբների ներկայացուցիչը հավաստիացրել է, որ
բանտարկության մեջ գտնվող կանայք դատապարտվել են սոսկ այն բանի
համար, որ սնունդ եւ օթեւան են տրամադրել շարժման մարտիկներին:
Մինչդեռ, աֆղանական կառավարությունը հրաժարվում է բանտարկված
գրոհայիններին ազատելու պահանջը կատարելուց, համարելով, որ դա
միայն կխրախուսի մարդկանց առեւանգումները, եւ պահանջում է հանուն
իսլամական արժեքների եւ աֆղանական ավանդույթների ազատ արձակել 16
հարավկորեացի կանանց: