ՈՍՏԻԿԱՆՈՒԹՅՈՒՆԸ ՀԱՅՏՆԱԲԵՐԵԼ Է ԹԱԼԻԲՆԵՐԻ ՍՊԱՆԱԾ ԵՐԿՐՈՐԴ
ՊԱՏԱՆԴԻ ՄԱՐՄԻՆԸ
31-07-2007 17:10:00 | Աֆղանստան | Միջազգային
ՔԱԲՈՒԼ, 31 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 31-ի առավոտյան
հայտնաբերվել է նախօրեին թալիբների կողմից սպանված հարավկորեացի
պատանդի` 29 տարեկան Սունգ Չինի մարմինը: Ինչպես հաղորդում է
«Ասոշիեյթեդ պրեսը» վկայակոչելով աֆղանական ոստիկանությանը, Սունգ
Չինի արյունաթաթախ մարմինը հայտնաբերվել է Արիզո Կալլի գյուղի
դաշտում, Ղազնի քաղաքից 10 կմ հարավ:
Աֆղանական «Թալիբան» շարժումը նոր վերջնաժամկետ է սահմանել իր
պահանջների կատարման համար: Այս մասին հուլիսի 31-ին հայտարարել է
գրոհայինների մամուլի քարտուղարը, հաղորդում է «Ռոյթերը»: «Եթե
Քաբուլի վարչակազմը եւ կորեական կառավարությունը դրական պատասխան
չտան թալիբ բանտարկյալներին մինչեւ չորեքշաբթի ժամը 12:00 (տեղական
ժամանակով) ազատ արձակելու մեր պահանջին, մենք կսկսենք սպանել
մյուս պատանդներին»,- հայտարարել է Կարի Մուհամմեդ Յուսուֆը:
Հիշեցնենք, որ թալիբերը պահանջում են Աֆղանստանի բանտերից բաց
թողնել իրենց մի շարք ակտիվիստների, ինչպես նաեւ երկրից դուրս
բերել Հարավային Կորեայի զորակազմը: