ԲԱՂԴԱԴ, 23 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 23-ին Իրաքի մայրաքաղաքում տեղի ունեցած 3 պայթյունների հետեւանքով զոհվել է 12 եւ վիրավորվել ավելի քան 20 մարդ: Ըստ տեղեկությունների, պայթյունները տեղի են ունեցել Բաղդադի կենտրոնական թաղամասերից մեկում: Գրեթե միաժամանակ Կարրադա թաղամասում պայթեցվել է 2 ականապատ մեքենա: 3-րդ պայթյունը տեղի է ունեցել թաղամասի հարավում, որն ուղղված է եղել երկրի իրավապահ մարմինների դեմ: Զոհվել է ոստիկանության 5 աշխատակից:

---