ՊՐԱՀԱ, 10 ՀՈՒԼԻՍԻ, ՆՈՅՅԱՆ ՏԱՊԱՆ: Պրահայում Ռուսաստանի
դեսպանատունը բողոքի նոտա է հղել Չեխիայի Արտաքին գործերի
նախարարությանը պրահյան գերեզմանատներից մեկում գրանցված
վանդալիզմի նոր ակտի կապակցությամբ:
Հուլիսի 8-ի լույս 9-ի գիշերը Չեխիայի մայրաքաղաքը
ֆաշիստներից ազատագրած սովետական 48 զինվորների գերեզմաններից
անհետացել են նրանց անունները կրող բրոնզե հուշատախտակները:
Ըստ տեղեկությունների, սա Չեխիայում սովետական զինվորների
գերեզմանապղծության առաջին դեպքը չէ: Նմանօրինակ վանդալիզմի ակտ էր
գրանցվել նաեւ մայիսին: