ԼՈՍ ԱՆՋԵԼԵՍ, 5 ՀՈՒԼԻՍԻ, ՆՈՅՅԱՆ ՏԱՊԱՆ: Ոստիկանները հուլիսի 4-ին Կալիֆոռնիայում ձերբակալել են ԱՄՆ-ի նախկին փոխնախագահ Ալբերտ Գորի որդուն` թմրանյութեր պահելու համար: Ոստիկանության աշխատակիցները Ալբերտ Գոր Երրորդին արագությունը գերազանցելու համար կանգնեցրել են Լոս Անջելես եւ Սան Դիեգո քաղաքների միջեւ ընկած մայրուղում: Երիտասարդի մեքենայի խուզարկության ժամանակ հայտնաբերվել են 30 գ մարիխուաննա, ինչպես նաեւ մի քանի տեսակի ուժեղ ներգործող դեղամիջոցներ: Գորը ազատ է արձակվել 20 հազար դոլար գրավի դիմաց:

---