«ԲԱՐԵԿԱՄՈՒԹՅՈՒՆ» ՊԱՐԱՅԻՆ ՀԱՄՈՒՅԹԸ ԵՎ ԱՄՆ ՊԱՐԱՅԻՆ ԴՊՐՈՑՆԵՐԻ
ՊԱՐՈՂՆԵՐՆ ԻՐԱԿԱՆԱՑՆՈՒՄ ԵՆ ՄՇԱԿՈՒԹԱՅԻՆ ՓՈԽԱՆԱԿՄԱՆ ԾՐԱԳԻՐ
04-07-2007 21:30:00 | Հայաստան | Մշակույթ
ԵՐԵՎԱՆ, 4 ՀՈՒԼԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Հայ-ամերիկայն մշակութային փոխանակման ծրագրի շրջանակներում
Երեւանում եզրափակիչ համերգով հանդես եկան «Բարեկամություն»
պետական համույթի եւ ԱՄՆ-ի պարային դպրոցների պարողները, որոնք
ներկայացրեցին դասական, հայկական, մոդեռն, ջազ ժանրային բազմազան
ոճերի պարային համարներ:
Ինչպես տեղեկացրեց «Բարեկամություն» պարային անսամբլի տնօրեն
Արեւիկ Աշխարհոյանը, հուլիսի 25-ից Երեւանում գտնվող ԱՄՆ-ի
Գրինսբորո, Արքդեյլի դպրոցների, Բեթեզդային թագավորական
ակադեմիայի, Առկանզասի եւ Մերիլենդի համալսարանների 12 ուսանողներ
եւ Նյու Յորքյան Բրոդվեյի երեք առաջատար բալետմայստերներ` Դեբի
Չոդինեկին, Ֆրեդի ԼԻ Հեդը եւ Նատալիա Դեյվիսոնը, փոխանակման ծրագրի
շրջանակներում Հայաստանում իրականացնում են մոդեռն պարի
պարապմունքներ: Միաժամանակ, ամերիկացի ուսանողները
«Բարեկամություն» անսմբլի պարուսույցների միջոցով ծանոթանում են
հայկական ազգային եւ դասական պարարվեստին:
Նշելնով, որ այս մշակութային ծրագիրը շարունակական է լինելու,
ծրագրի հեղինակ եւ պրոդյուսեր Արտակ Ալեքսանյանը տեղեկացրեց, որ
ծրագրի ամերիկայն կողմի ղեկավարը ազգությամբ հայ Նատալյա Դեյվիսոնն
է: Նա նախկինում մեկ տարի պարել է «Բարեկամություն» անսամբլում,
սակայն հետագայում մեկնել է ԱՄՆ, որտեղ եւ հիմնել է իր պարային
դպրոցը: Ծրագրի հեղինակի համոզմամբ, հայ-ամերիկյան մշակութային այս
ձեռնարկը կարելի է համարել հաջողված: