ՊԱԿԻՍՏԱՆՈՒՄ ԲԱԽՈՒՄՆԵՐ ԵՆ ՍԿՍՎԵԼ ԱՐՄԱՏԱԿԱՆ ՀԱՅԱՑՔՆԵՐԻ ՏԵՐ
ՈՒՍԱՆՈՂՆԵՐԻ ԵՎ ԻՐԱՎԱՊԱՀ ՄԱՐՄԻՆՆԵՐԻ ՄԻՋԵՎ
03-07-2007 21:15:00 | | Միջազգային
ԻՍԼԱՄԱԲԱԴ, 3 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 3-ին Պակիստանի
մայրաքաղաքում արմատական հայացքների տեր ուսանողների եւ իրավապահ
մարմինների միջեւ տեղի ունեցած բախման հետեւանքով զոհվել է 6 մարդ:
Կան նաեւ մեծ թվով վիրավորներ: Այս մասին հաղորդում են տեղական
լրատվամիջոցները:
Լալ Մեսջիդի (Կարմիր մզկիթ) մեդրեսեի (հոգեւոր դպրոց)
ուսանողների եւ ներքին զորքերի ստորաբաժանման միջեւ բախումը սկսվել
է ցերեկվա աղոթքից հետո: Բախման պատճառների մասին առայժմ որեւէ
տեղեկություն չի հաղորդվում:
Ըստ Պակիստանի ներքին գործերի նախարարի, բախման արդյունքում
զոհվել է մեկ եւ վիրավորվել մի քանի զինվոր:
Կարմիր մզկիթի մոլլա Աբդուլ Քայումի խոսքերով, զոհվել է 5
ուսանող:
Բախումից անմիջապես հետո Լալ Մեսջիդի ուսանողները շրջափակել
են մզկիթի տարածքը: Իրավապահ մարմինները նրանց դեմ օգտագործում են
արցունքաբեր գազ: