ԻՍՐԱՅԵԼԱԿԱՆ ԲԱՆԱԿԸ ԳԱԶԱՅԻ ՀԱՏՎԱԾՈՒՄ ԻՐԱԿԱՆԱՑՐԵԼ Է
ԼԱՅՆԱԾԱՎԱԼ ՌԱԶՄԱԿԱՆ ԳՈՐԾՈՂՈՒԹՅՈՒՆ. ԿԱՆ ԶՈՀԵՐ ԵՎ ՎԻՐԱՎՈՐՆԵՐ
27-06-2007 20:10:00 | | Միջազգային
ԳԱԶԱ, 27 ՀՈՒՆԻՍԻ, ՆՈՅՅԱՆ ՏԱՊԱՆ: Իսրայելի բանակը հունիսի
27-ին Գազայի հատվածում իրականացրել է լայնածավալ ռազմական
գործողություն, ինչի հետեւանքով, ըստ նախնական տվյալների,
զոհվել է 10 եւ վիրավորվել 40 պաղեստինցի:
Տեղեկությունների համաձայն, սպանվածների մեծամասնությունը
ՀԱՄԱՍ եւ «Իսլամական ջիհադ» խմբավորումների ակտիվիստներ են, որոնց
թվում է նաեւ «Իսլամական ջիհադ»-ի առաջնորդներից Դիա Աբու Դաքարը:
Պաղեստինյան գրոհայինների դեմ ուղղված ռազմական
գործողություններ են իրականացվել նաեւ Գազայի հատվածի հարավում
գտնվող Խան Յունիս քաղաքում:
Գազայի հատվածը ՀԱՄԱՍ շարժման վերահսկողության տակ անցնելուց
հետո սա դարձավ իսրայելական բանակի ամենամեծ ռազմական
գործողությունն այդ քաղաքում: