ԼԱՐԻՋԱՆԻ-ՍՈԼԱՆԱ ՀԵՐԹԱԿԱՆ ՀԱՆԴԻՊՈՒՄԸ ՏԵՂԻ ԿՈՒՆԵՆԱ ԼԻՍԱԲՈՆՈՒՄ
20-06-2007 21:50:00 | Իրան | Միջազգային
ԹԵՀՐԱՆ, 20 ՀՈՒՆԻՍԻ, ՆՈՅՅԱՆ ՏԱՊԱՆ: Իրանի Ազգային
անվտանգության գերագույն խորհրդի քարտուղար Ալի Լարիջանիի եւ ԵՄ
արտաքին քաղաքականության եւ անվտանգության հարցերով գերագույն
ներկայացուցիչ Խավիեր Սոլանայի միջեւ հերթական հանդիպումը տեղի
կունենա հունիսի 23-ին Լիսաբոնում: Կողմերը կքննարկեն Իրանի
միջուկային ծրագրին առնչվող հարցեր:
Ըստ տեղեկությունների Իսլամական Հանրապետության եւ ԵՄ
ներկայացուցիչների միջեւ կշարունակվի հարցերի այն շրջանակի
քննարկումը, որը գտնվում էր ուշադրության կենտրոնում մադրիդյան
բանակցությունների ժամանակ:
Հիշեցնենք, որ մայիսի 31-ին Մադրիդում կայացած
Լարիջանի-Սոլանա հանդիպման ընթացքում կողմերը ձեռք էին
բերել պայմանավորվածություն` շարունակել Իրանի միջուկային խնդրի
հետ կապված երկխոսությունը: