ԳԱԶԱ, 17 ՄԱՅԻՍԻ, ՆՈՅՅԱՆ ՏԱՊԱՆ: ՀԱՄԱՍ-ը Իսրայելին սպառնում է, որ կվերսկսի մահապարտների միջոցով կազմակերպվող ահաբեկչական գործողությունները: Այս մասին հաղորդել է պաղեստինյան խմբավորման ղեկավարությունը այն բանից հետո, երբ Իսրայելի ռազմա-օդային ուժերը ռմբակոծեցին Գազայի կենտրոնում գտնվող ՀԱՄԱՍ խմբավորման զինյալների կենտրոնակայանը: Իսրայելական կողմը հաստատել է գործողության իրականացման փաստը եւ հայտաարել, թե տուժածների մեծամասնությունը ՀԱՄԱՍ խմբավորման գրոհայիններից են: Նախնական տեղեկությունների համաձայն` զոհվել է 2 եւ վիրավորվել 30 մարդ: Իսրայելի օդուժի ռմբակոծությունը տեղի է ունեցել պաղեստինյան գրոհայինների` Իսրայելի հարավը հրթիռակոծելուց հետո: Վերջին օրերին այդ ռմբահարումների հետեւանքով վիրավորվել է ավելի քան 10 հրեա: ՀԱՄԱՍ-ը Իսրայելի գործողությունները գնահատել է որպես բացահայտ պատերազմի սկիզբ:

---