«ԵՎՐԱՏԵՍԻԼ-2007»-ՈՒՄ ՀԱՅԱՍՏԱՆԸ ԿՐԿԻՆ ԳՐԱՎԵՑ 8-ՐԴ ՏԵՂԸ
13-05-2007 18:00:00 | Ֆինլանդիա | Մշակույթ
ՀԵԼՍԻՆԿԻ, 13 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 12-ին Հելսինկիում
կայացած «Եվրատեսիլ-2007» երգի փառատոնի եզրափակիչ փուլում հաղթող
ճանաչվեց Սերբիան:
Մրցույթին երկրորդ անգամ մասնակցող Հայաստանը 24 երկրների
քվարկության արդյունքում զբաղեցրեց 8-րդ տեղը, չնայած քվեարկության
ընթացքում պարբերաբար հայտնվում էր լավագույն հնգյակում: Հայկոյի
«Any time you need» երգին ամենաբարձ` 12 միավոր են տվել Թուրքիան
եւ Վրաստանը, 10-ական միավոր` Ֆրանսիան, Հոլանդիան, Բելգիան,
Չեխիան, Լեհաստանը եւ Ռուսաստանը, 8-ական միավոր` Իսպանիան,
Կիպրոսը, Բուլղարիան: Հայաստանի օգտին 5-ական միավոր են տվել
Ավստրիան, Իսրայելը, Բելառուսը եւ Ուկրաինան, 2-ական միավոր`
Գերմանիան եւ Մոլդովան: Հիշեցնում, որ նախորդ տարի Հայաստանի
ներկայացուցիչ Անդրեն եւս գրավել էր 8-րդ հորիզոնականը:
Մրցույթում 2-րդ տեղը զբաղեցրեց Ուկրաինայի ներկայացուցիչ
Վերկա Սերդյուչկան, 3-րդ տեղը` Ռուսաստանի «Սերեբրո» խումբը: