ՄՕԿ-Ի ՀՈՎԱՆՈՒ ՆԵՐՔՈ ՀԱՅԱՍՏԱՆԻ ՁՅՈՒԴՈՅԻ ՄԱՐԶԻՉՆԵՐԻ ՀԱՄԱՐ
ԿԱԶՄԱԿԵՐՊՎԵԼ ԵՆ ՏԵԽՆԻԿԱ-ՄԱՐԶՉԱԿԱՆ ԴԱՍԸՆԹԱՑՆԵՐ
23-04-2007 19:20:00 | Հայաստան | Սպորտ
ԵՐԵՎԱՆ, 23 ԱՊՐԻԼԻ, ՆՈՅՅԱՆ ՏԱՊԱՆ: ՄՕԿ-ի հովանու ներքո եւ
ՀԱՕԿ-ի նախաձեռնությամբ Երեւանում ապրիլի 21-ից անցկացվում են
տեխնիկա-մարզչական դասընթացներ ՄՕԿ-ի «Օլիմպիական համերաշխության»
ծրագրի շրջանակներում` ձյուդո ըմբշամարտի մասնագետների համար:
Տեսական եւ գործնական պարապմունքները վարում է Ճապոնիայի
առաջատար մասնագետ, դոկտոր-պրոֆեսոր Կազուշի Կավաուճիյան:
Միջոցառմանը մասնակցում են Երեւանի, Գյումրիի եւ Հրազդանի
ձյուդո ըմբշամարտի 30 մարզիչներ: Դասընթացները, որի մասնակիցները
կստանան համապատասխան վկայագրեր, կավարտվեն ապրիլի 28-ին: