ՎԻԿՏՈՐ ՅՈՒՇՉԵՆԿՈՆ ՑՐԵԼ Է ՈՒԿՐԱԻՆԱՅԻ ԳԵՐԱԳՈՒՅՆ ՌԱԴԱՆ
03-04-2007 19:49:00 | Մեծ Բրիտանիա | Միջազգային
ԿԻԵՎ, 3 ԱՊՐԻԼԻ, ՆՈՅՅԱՆ ՏԱՊԱՆ: Ուկրաինայի նախագահ Վիկտոր
Յուշչենկոն ցրել է Գերագույն ռադան (խորհրդարանը): Այս մասին նա
հայտարարել է Ռադայի ղեկավարության եւ խմբակցությունների
առաջնորդների հետ երեկ (ապրիլի 2-ին) անցկացրած
խորհրդակցություններից հետո: Ըստ Յուշչենկոյի, իր առաջարկները
սահմանադրական մեծամասնության վերաբերյալ անտեսված են,
Սահմանադրության խախտումները ցրելու համար ստեղծել են իրավական
հիմքեր: Արտահերթ ընտրությունները անխուսափելի քայլ են, ընդգծել է
Յուշչենկոն` նշելով, որ ոչ մի ցնցում եւ դիմակայություն չի լինի,
իսկ «քաղաքական կյանքը երկրում մնում է կայուն» եւ վերահսկելի:
«Գերագույն ռադան լուծարելու մասին նախագահի հրամանագիրը պարտադիր
պետք է կատարվի: Վաղաժամկետ ընտրությունները կկայանան
Սահմանադրությանը համապատասխան»,- նշել է նախագահը: Ուկրաինայի
Գերագույն ռադայի խորհրդարանական մեծամասնությունը Վիկտոր
Յուշչենկոյից պահանջել է չեղյալ անել խորհրդարանի լուծարման
հրամանագիրը: Կառավարող կոալիցիան Վիկտոր Յանուկովիչի
գլխավորությամբ նախագահի գործողությունները համարել է ոչ լեգիտիմ
եւ պետության ղեկավարին սպառնացել իմպիչմենտով: