ՎԱՇԻՆԳՏՈՆ, 28 ՄԱՐՏԻ, ՆՈՅՅԱՆ ՏԱՊԱՆ: Ամերիկյան Սենատը քվեարկել է մինչեւ 2008 թվականի մարտի 28-ը Իրաքից ԱՄՆ-ի զորքերի դուրսբերման օգտին: Օրինագծում, որին հավանություն են տվել սենատորները, ասվում է, որ «ընթացիկ հակամարտությունը Իրաքում պահանջում է գլխավորապես քաղաքական որոշումներ»: Դեմոկրատ սենատոր Ջո Բիդենը հայտարարել է. «Մենք ամենայն հստակությամբ հասկացրինք նախագահին, որ հարկավոր է փոխել քաղաքականությունը Իրաքում: Եվ մենք հուսով ենք, որ նա, վերջապես, մեզ կլսի»: Սակայն, քվեարկության արդյունքները Ջորջ Բուշին չեն գոհացրել: Ինչպես ասվում է նրա մամլո ծառայության հայտարարության մեջ, նախագահը մտադիր է վետո դնել օրինագծի վրա:

---