ԵՐԵՎԱՆ, 14 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ նախագահ Ռոբերտ Քոչարյանի փետրվարի 13-ի հրամանագրով գեներալ-մայոր Սեդրակ Սարոյանն ազատվել է ՀՀ Պաշտպանության նախարարության 4-րդ բանակային կորպուսի հրամանատարի պաշտոնից: Այս մասին «ՆՈՅՅԱՆ ՏԱՊԱՆ»-ին հայտնեցին ՀՀ նախագահի Մամլո գրասենյակից: Նշենք, որ ըստ հավաստի աղբյուրներից ստացված տեղեկությունների, Ս.Սարոյանը պաշտոնից հեռանալու դիմում է ներկայացրել մայիսի 12-ին կայանալիք խորհրդարանական ընտրություններին մեծամասնական ընտրակարգով առաջադրվելու նպատակով: Հավանական է, որ նա իր թեկնածությունն կառաջադրի Գեղարքունիքի մարզի Մարտունի քաղաքում: Հիշեցնենք, որ Ս.Սարոյանը խորհրդարանական ընտրություններին մասնակցելու նպատակով ՀՀ ՊՆ համակարգից հեռանալու ցանկություն հայտնած երկրորդ բարձրաստիճան պաշտոնյան է: Ավելի վաղ պաշտոնից հեռանալու եւ ՀՅԴ-ի համամասնական ցուցակում ընդգրկվելու ցանկություն էր հայտնել պաշտպանության փոխնախարար, գեներալ-լեյտենանտ Արթուր Աղաբեկյանը:

---