ԱՆԴՈՐՐԱ-ՀԱՅԱՍՏԱՆ ԸՆԿԵՐԱԿԱՆ ԽԱՂՈՒՄ ԱՐՁԱՆԱԳՐՎԵՑ ՈՉ-ՈՔԻ
08-02-2007 17:05:00 | Անդորա | Սպորտ
ԱՆԴՈՐՐԱ, 8 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 7-ին ՖԻՖԱ-ի
օրացույցով ֆուտբոլի ազգային հավաքականների ընկերական
հանդիպումների օրն էր: Այդ օրը Անդորրայում կայացավ տեղի եւ
Հայաստանի ֆուտբոլի ազգային հավաքականների ընկերական հանդիպումը,
որն ավարտվեց ոչ-ոքիով` 0:0: Սա թիմերի 6-րդ հանդիպումն էր: Նախորդ
բոլոր 5 խաղերում հաղթել էին Հայաստանի ֆուտբոլիստները:
Նշենք, որ այս հանդիպմանը չէին մասնակցելու Իրանում գտնվող
Ալեքսանդր Թադեւոսյանը, Աղվան Մկրտչյանը, Հոլանդիայի «Այաքս»-ի
խաղացող Էդգար Մանուչարյանը եւ էլի մի քանիսը:
Հայաստանի հավաքականի դարպասը կրկին պաշտպանում էր փորձառու
Ռոման Բերեզովսկին: Թիմակիցներին միացել էր նաեւ պաշտպան Կարեն
Դոխոյանը: